Fandriampahalemana

Tovolahikely nalaina an-keriny Vola 10 tapitrisa ariary no tambiny

Fandriampahalemana
Talata 05 Mey 2020

Ny 17 aprily no nisy naka an-keriny ny tovolahikely antsoina hoe Bemaso tany Belo-Sur-Tsiribihinina.

Olona 17 no naka an-keriny azy, ary nametraka laharana finday hahafahana miantso azy ireo. Omby 13 sy vola 7 hetsy no notakian’ireo olon-dratsy tamin’ny rainy ho tambin’ny famotsorana. Niditra an-tsehatra ny mpitandro filaminana, saingy nananosarotra ny raharaha. Nisy ny fifanakalozana ka vola 10 tapitrisa ariary no niafaran’ny ady varotra namotsorana io tovolahy io. Vedety avy amin’ny BNGRC no nahafahana niampita ny reniranon’i Tsiribihina, ary nanao tan-tsoroka ny mpitandro ny filaminana. Mandeha ny fikarohana ireo olon-dratsy. Inona no mety mahasamihafa ny fanomezan’ny fanjakana tambiny 200 tapitrisa ariary ho an’izay mahita ny jiolahy naka an-keriny ilay karana Anil Karim sy ny hoe Malagasy no lasibatra? Mba ahoana itony Malagasy very 10 tapitrisa ariary nentiny nanavotana an-janany itony?

Toky R