Fandriampahalemana

Toliara Maty voatifitry ilay jiolahy rain-dahiny

Fandriampahalemana
Alatsinainy 09 Mey 2022

Jiolahy rain-dahiny iray mpikambana ao amin'ny "5 bandes" ao Toliara no maty voatifitry ny hery vonjy taitran'ny Polisy omaly alahady 08 mey tokony ho tamin'ny 1 ora 30 minitra atoandro rehefa avy nanao ny asa ratsiny ka

nifanenjika sy nifampitifitra tamin'ny mpitandro ny filaminana tao an-toerana. Fantatry ny mpitandro filaminana tany an-toerana fa misy fanafihana mitam-piadiana tao Samoty Lahy kaominina ambanivohitra Betsinjaky distrikan’i Toliara II. Nandray ny andraikiny avy hatrany ny FIP ka niroso tamin'ny fisamborana ireo jiolahy. Vantany vao nahita ireo mpitandro ny filaminana ireo olon-dratsy dia nandositra ka ny iray tamin'izy ireo no naneho fanoherana noho ity farany mitana basy vita gasy. Lavon'ny Polisy ity jiolahy ity raha tafatsoaka kosa ireo namany.
Pati