TOLIARA II

Dahalo avy namaky vala, lavon’ny balan’ny polisy

Fandriampahalemana
Zoma 12 Janoary 2024

Nitrangana asan-dahalo tao amin'ny kaominina ambanivohitr’i Toliara II

ny Alarobia 10 janoary teo. Mbola teo am-pandroahana ireo omby hivoaka ny vala ireo dahalo no tsikaritry ny tompon'omby ka niantso Polisy avy hatrany ity farany. Tsy lasa lavitra akory ireo dahalo noho izany dia nifanehatra tamin'ny mpitandro filaminana. Raikitra ny fifandonana teo amin'ny dahalo sy ireo Polisy niaraka tamin'ny vahoaka. Vokany, dahalo iray no lavon'ny bala, tafatsoaka kosa ny namany. Tsy nisy naratra ny vahoaka mpanara-dia sy ny Polisy na izany aza. Efa tafaverina tamin'ny tompony moa ireo omby. Mbola mitohy ny fikarohana ireo olon-dratsy hafa.
Pati
Legende : Ity ilay dahalo namoy ny ainy !