Fandriampahalemana

Toby kolonely Alphonse Rakotonirainy Famindram-pahefana 3 no tontosa omaly

Fandriampahalemana
Zoma 20 Oktobra 2017

Tontosa omaly tetsy amin’ny toby kolonely Alphonse Rakotonirainy etsy Soanierana ny fifamindram-pahefana teo amin’ireo lehibena rezimanta miisa telo dia ny hery fiarovana ny aim-bahoaka (Corps de protéction civile) sy ny Bataillon recamp ary ny RTS na ny rezimanta fampitana andraikitra.

Ho an’itsy voalohany dia ny lehiben’ny sampana mpamonjy voina teo aloha (sapeur-pompier), ny kolonely Michel Rabemanantsoa, izay andiany faha-21 teo anivon’ny akademia miaramila no lasa miandraikitra ny fibaikoana. Ho an’ilay faharoa kosa dia ny kolonely Rakotoarisoa Andriantoavina no nisolo ny kolonely Maminiriana Rakotoniaina, izay andiany faha-20 teo anivon’ny akademia miaramila. Ho an’ny RTS moa dia ny kolonely Nisolo Andrianaivohery no nisolo ny jeneraly Jean Claude Rabenaivoarivelo.

J. Mirija