TOAMASINA

Zaza vao afaka CEPE maty notifirin'ny jiolahy

Fandriampahalemana
Alatsinainy 29 Jona 2026

Tsy milamina ny fandriampahalemana

ao Toamasina ao. Zazavavy kely vao 12 taona monja no maty notifirin'ny jiolahy teo amin'ny lohany afak'omaly Sabotsy 27 Jona alina tokony ho tamin'ny 7 ora sy sasany tao Mangarivotra ambadiky ny Stadium. Jiolahy miisa 2 tsy nisaron-tava no fantatra fa niditra ny trano nitondra basy no sady niteny hoe : avoahy vola. Tsy manam-bola izahay hoy ny fianakavian'io zazavavy kely io. Izahay olona sahirana. Tezitra vokatr'izany ireo jiolahy ka notifirin'izy ireo teo amin'ny lohany ilay zazavavy 12 taona zanaky ny voatafika. Nentina tany amin'ny hopitaly moa fa tsy tana ny ain'ilay tsy manan-tsiny. Soaline moa no anaran'io zazavavy kely io. Vao avy nanala fanadinana CEPE farany Itompokovavy kely. Ahiana hisy fiantraikany goavana amin'ny fizahantany anatiny ao Toamasina izao tsy fandriampahalemana any an-toerana izao. Na ireo mpiala sasatra aza mety hihemotra hitady toeran-kafa raha tsy misy ny fepetra raisin'ny tompon'andraikitra. Hatramin'ny fianakaviana sahirana aza lasibatra koa mainka moa fa ireo fianakaviana vahiny mba hamokam-bolakely hanaovana vakansy any an-toerana ? Tena mila vonjy Toamasina.
Nangonin'i Pati

Légende : Ilay zaza namoy ny ainy !