Fandriampahalemana

Toamasina Tratra ireo namaky ny “Accès banque” sy namono polisy iray

Fandriampahalemana
Alarobia 22 Mey 2019

Saron’ny polisy ireo telolahy namaky ny “Accès banque” tao Toamasina sy ilay lehilahy iray tompon’antoka tamin’ny famonoana polisy iray nitranga tany an-toerana ny 06 janoary lasa teo.

Raha tsiahivina, toerana telo no notafihin’ireo jiolahy teo tamin’izay ary voaporofo tamin’ny alalan’ny “camera de surveillance” ny tarehin’izy ireo. Anisan’izany ilay tranombarotra mpamongady iray tao Tanambao fahadimy izay nahazoany vola 10 tapitrisa Ar. Nahazoany 50 tapitrisa Ar kosa ny Accès banque. Mbola tratra teny amin’ireo jiolahy ny basy PA iray nampiasain’izy ireo tamin’ny fanaovana ny asa fanafihana. Araka ny fanazavan’ny kaomisera Rakotovao Jean Christian, lehiben’ny kaomisaria ao Tanambao II, misy vehivavy ny mpiray tsikombakomba tamin’ireo jiolahy ireo ka rehefa nosavana ny tranony dia nahitana entana maro toy ny fanalahidy sy kitapo maromaro, kara-panondro maromaro .... Mbola karohina moa ny naman’izy ireo sasany.

Pati