Fandriampahalemana

Toamasina Tratra ireo mpanafika Cash Point

Fandriampahalemana
Talata 13 Oktobra 2020

Lehilahy miisa roa isan’ny tompon’antoka amin’ny resaka fanafihana matetika miseho tao Toamasina no tratra ny 09 oktobra teo.

Nandritra ny fisafoana teny amin’ny faritra Tanambao akaikin’ ny tobim-piantsonana no nahatsikaretan’ny mpitandro ny filaminana azy ireo nipetraka teo ambony moto. Vao nahita ireo polisy nanakaiky anefa izy roalahy dia nandositra ka raikitra ihany koa ny fanenjehana ary tsy lavitra teo dia tratra izy ireo. Rehefa nosavaina ireto olon-dratsy ireto dia nahitana basy poleta iray teny amin’izy ireo ka nentina natao fanadihadiana tany amin’ny birao avy hatrany. Fantatra nandritra izany fa anisan’ny tompon’antoka tamin’ny fanafihana « cash point » iray vao tsy ela akory tao Toamasina izy roalahy ireto.

Pati