Fandriampahalemana

Toamasina Tra-boina ny mpitandro filaminana sy ny fitsarana

Fandriampahalemana
Talata 09 Janoary 2018

Ao anatin’ny lisitry ny tra-boina ihany koa taorian’ny rivo-doza “AVA” ny mpitandro ny filaminana, ahitana ny zandary sy ny miaramila ary ny polisy; isan’izany koa ny fitsarana manana sampana telo ao Toamasina.

Potika hatramin’ny 80% ny trano sy ny tobin’ny zandary sy ny miaramila eto Toamasina, eo amin’ny 60% kosa ny an’ny polisy izay nahitana ny birao fanaovana fanadihadiana sy ny tranon’ny talen’izy ireo, ary toraka izany koa ny an’ny fitsarana. Miteraka olana anefa ireto maha-tra-boina ny mpitandro ny filaminana ireto satria tsy milamin-tsaina amin’ny tokantranony ireo olombeny amin’ny asa ataony ho fiarovana ny vahoaka sy ny fananany; misy fahasimbana noho ny orana sy ny rano koa ireo antontan-taratasim-panadihadiana sy antotan-taratasim-panjakana, tahaka izany koa ny eo anivon’ny fitsarana izay hiditra hiasa taorian’ny fialan-tsasatra ny krismasy sy ny taom-baovao teo ny 15 janoary teo, sy ny fotoam-pitsarana hanomboka ny volana febroary izao.

Rakoutou