Fandriampahalemana

Toamasina Maty voatifitry ny polisy i Rasihanaka sy ny ekipany

Fandriampahalemana
Talata 17 Janoary 2023

Tapitra ny 99 andron-dRasihanaka sy ireo namany telolahy. Maty voatifitry ny FIP sy ny UIR omaly Rasihanaka sy ireo namany 3 lahy.

Efa ela no nampahalaza ilay ranamana io tany Toamasina amin'ny resaka fanafihana mitam-piadiana, raha tsiahivina. Mahavanon-doza mihitsy izy mandritra izany na dia hanafahany ain’olona aza. Raha araka ny fantatra dia efa nampitondra faisana mponina tao Vohidiala Ambatondrazaka ny anaolahy. Nataony tao anaty rano mandevy ny zanaky ny tompon-trano iray notafihiny rehefa tsy nety nanome vola azy. Mbola nodorany velona tao an-tranony ihany koa ireo olona 3 mianaka nandritra izany ary tsy nananany hantra mihitsy. Tao amin’ny kirihitr'ala Adema Ambalamanasy moa no nahatraran’ny FIP sy ny UIR azy telolahy ireto. Tsy mipetraka any an-trano intsony mantsy izy ireo fa miafina any anaty ala ho fiarovany ny ainy.
Nangonin’i Pati