Toamasina

Mampihoron-koditra ny tsy fandriampahalemana

Fandriampahalemana
Talata 05 Novambra 2024

Mampihoron-koditra ny tsy fandriampahalemana ao Toamasina. Nisehana fanafihana cash point indray tao

Mangarivotra Sud parcelle 21/52 amin’ny lalana rarivato mitsofoka avy amin’ny Bar Dodone omaly takariva, araka ny vaovao voaray. Vehivavy 1 mpanao cash point hody an-tranony no notafihana lehilahy miisa roa. Notsatohan-dry zareo antsy tao an-damosiny. Efa akaiky trano izy voatafika io, ka niantso vonjy. Henon’ny anadahiny ka nivoaka hanavotra ity farany, kinanjo voan’ny tsatok'antsy teo amin’ny tratra. Lasa ny vola tamin’ilay madama, ary samy naratra, ka voatery nentina notsaboina any amin’ny hopitaly izy ireo. Mbola tsy ampy herinandro ilay tranga nitifiran’ny jiolahy teo amin’ny andriny ilay renim-pianankaviana iray tompona tranombarotra lehibe, dia io indray fa misy tranga hafa. Ampahany ireo fa tena manao ranolava ny fanafihana mitam-piadiana sy ny asa ratsy samihafa ao Toamasina. Ny resaka fanafihana « cash point » izany moa dia mila ho isan’andro !
Toky R
Sary fanehoana