Fandriampahalemana

Toamasina Jiolahy iray maty voatifitra, roa hafa tafaporitsaka

Fandriampahalemana
Alakamisy 16 Septambra 2021

Anisan'ny jiolahy nanao fanafihana mitam-piadiana tany Toamasina ny 04 septambra lasa teo ny jiolahy iray . Raha tsiahivina kely ny tantara dia lasan'izy ireo tamin'izany ny vola 20 tapitrisa Ar.

Zatra nahazo izy ireo ka tamin’ ny alatsinainy lasa teo izy sy ny namany roa lahy dia nikasa hanafika olona nitondra vola tao Tanambao V, hoy ny vaovao. Nametraka vela-pandrika ny mpitandro ny filaminana rehefa nahazo loharanom-baovao. Raikitra ny fifanenjehana nandritra izany ka maty voatifitra ny jiolahy io raha nikasa hifampitifitra tamin'ny polisy izy. Azo soamantsara ilay basy PA iray tamin'ilay jiolahy sy ny bala fampiasany tamin'izany. Tafatsoaka kosa ny namany roa ary mbola karohina fatratra.
Pati