Toamasina

Jiolahy 3 saron’ny FIP

Fandriampahalemana
Alarobia 15 Novambra 2023

Nifanojo tamin'ny Polisin 'ny FIP Toamasina teny Mangarano ny olona miisa telo omaly 14 Novambra

tokony ho tamin'ny 3 ora maraina ka voasambotra noho resaka fikambana-jiolahy. Manamafy ny asa fanaony andavanandro moa ireo Polisy miasa any an - toerana. Misy noho izany ny fisafoana tanterahina na andro na alina. Vokany, tamin 'io ora sy daty voalaza etsy ambonyno nahatrarana azy telolahy ireo. Niezaka ny nandositra moa izy ireo saingy voasambotra ihany taorian 'ny fifanenjehana.Mbola hita teny amin 'izy ireo ny fitaovana fampiasa rehefa manatanteraka ny asa ratsy toy ny bar a pince, lampe de poche ary antsy maranitra. 27 sy 36 ary 53 ny sala-taonan ' izy ireo. Natolotra ny kaomisaria CSP2 Mangarano omaly ihany izy ireo raha hiakatra fampanoavana rahampitso Alakamisy 16 Novambra kosa. Pati
Legende : Ireto izy roalahy sy ireo fitaovana nampiasainy !