Fandriampahalemana

Toamasina Jiolahy 3 rotiky ny bala, 3 azo sambo-belona

Fandriampahalemana
Zoma 03 Jolay 2020

Nahazo angom-baovao ny Polisy fa misy andian-jiolahy mikononkonona hanao fanafihana mitam-piadiana ao Barikadimy.

Tsy niandry ela ny Polisy avy ao amin'ny hery vonjy taitra (FIP) fa nidina tany an-toerana avy hatrany rehefa voamarina ny angom-baovao voarain'izy ireo. Vao nahatazana ny Polisy ireto andian-jiolahy ireto dia tsy nisalasala nitifitra ny mpitandro ny filaminana, hoy ny tatitra nataon’ny mpitandro filaminana omaly maraina. Raikitra ny fifandonana mahery vaika ka jiolahy miisa 03 indray no lavon'ny balan'ny Polisy nandritra ny fifampitifirana ary jiolahy miisa 03 hafa ihany koa no azo sambo-belona. Basy lava calibre 12 sy basy poleta vita gasy miaraka amin'ny bala no mbola tratra teny amin'izy ireo. Taorian'ireo jiolahy mitam-basy lavo tetsy Masay dia ravan'ny Polisy ao Toamasina ihany koa ireo andian-jiolahy mpanao fanafihana mahery vaika any an-toerana, hoy ny fampitam-baovaon’ny Polisim-pirenena.

Toky R