TEZITRA ILAY RAMATOABE

Notsatohany antsy ilay zaza vao 3 taona monja

Fandriampahalemana
Talata 29 Aprily 2025

Tena efa mivadika ho biby ny olombelona ankehitriny.

Entin’ny fo rano mafana aterak’ireo olam-piainana maro samihafa ny sasany dia manaotao foana. Ramatoabe iray no fantatra fa nahavita nanatsatok’antsy zazalahy kely iray vao 3 taona monja tany Nosy Be Hell ville tany ny Sabotsy 26 Aprily lasa teo. Raha araka ny fantatra dia nifamaly tamin'ny Renin'ity zaza ity ilay Ramatoabe izay marihina fa efa 53 taona. Rehefa nandeha teo ny vava maro isan-karazany dia notsatohiny antsy tampoka ny fen’ilay zaza tsy manan-tsiny raha iny nipetraka tsy tamim-pisalasalana teo akaikin-dReniny iny ity farany. Nentina avy hatrany namonjy hopitaly moa ity farany raha niantsoana mpitandro ny filaminana kosa ilay Ramatoabe. Tafiditra ao anatin’ny herisetra hatao amin’ny ankizy ny fihetsika tahaka izao.
Pati
Legende : Ilay zaza naratra sy ilay Ramatoabe !