Fandriampahalemana

Tetezan-dramala Isotry Tratra niaraka tamin’ny antsy ilay mpangalatra

Fandriampahalemana
Alarobia 09 Novambra 2022

Tra-tehaky ny Polisy miasa ao amin’ny kaomisaria CSP 4 Isotry teny akaikin’ny Tetezan-dRamala ny lehilahy iray 20 taona omaly 08 novambra tokony ho tamin’ny 12 ora sy 30mn atoandro.

Mpangalatra miaraka amin’ny fitaovam-piadiana toy ny antsy hatrany izy io ary efa ela no notadiavina. Nametrahana Polisy avokoa araka izany ireo toerana be mpanjifa ka tamin’izany no nahatrarana ity lehilahy ity teny Isotry. Nandritra ny fisamborana azy dia mbola hita teny aminy ny antsy miisa 02 sy tournevis izay handrahonany olona sy hampiasainy mandritra ny asa ratsy izay fanaony. Efa fantan-daza sy mpameri-keloka amin’ny asa ratsy toy izao ity lehilahy voasambotra ity. Any Andohatapenaka izy no mipetraka raha eny amin’ny faritra Isotry kosa no manao asa ratsiny.
Nangonin’i Pati