TAPITRA NY COI

Miverina amin’ny heriny ny tsy fandriampahalemana eto Iarivo

Fandriampahalemana
Talata 29 Aprily 2025

Vaky trano teny Ivandry, vaky trano tetsy Tsiadana Lehilahy iray 33 taona

no voasambotry ny Polisin’ny CSP8 Analamahitsy omaly Alatsinainy 28 Aprily vao maraimbe teny Ivandry. Mbola tratra amin’ny trano izay novakiany ilay jiolahy ary teo am-pibatana ireo vilany saika hangalariny izy no voasambotra. Noentina avy hatrany teny amin’ny biraon’ny Polisy izy nanaovana fanadihadiana. Mpamaky trano iray hafa ihany koa voasambotry ny Polisin’ny FIP teny Tsiadana afak’omaly Alahady 27 Aprily alina. Nentina teny amin’ny biraon’ny Kaomisarian’Ambohijatovo ity mpangalatra ity nanaovana fanadihadiana. Tsiahivina moa fa vao tapitra mihitsy ilay fihaonana an-tampon’ny vondron’ny COI andiany fahadimy natao teto Madagasikara dia niverina amin’ny laoniny indray ny fiainan-dRamalagasy.
Nangonin’i Pati
Legende : Ireo mpamaky trano roalahy tratra !