Fandriampahalemana

Tambajotran-jiolahy ikoizana Sarona niaraka tamin’ny rongony sy basy ary bala

Fandriampahalemana
Talata 20 Oktobra 2020

Tratra nandritra ny hetsika nataon'ny Tobim-paritry ny zandarimaria Imerintsiatosika ny tambazotran-jiolahy iray ahitàna jiolahy ikoizana miisa folo (10) ao amin'ny kaominina Imerintsiatosika, ny 17 oktobra 2020.

Manoloana ny horohoro, vakitrano sy fanafihana mitam-piadiana, iainan'ny mponina amin'iny kaominina iny no antony nanaovana ny hetsika manokana fampandrian-tany, hoy ny zandarimaria. Tratra tamin'izany ireo entana halatra isan-karazany, sarona tao amin'ny trano fieren'izy ihany koa ny rongony voafono 3 kg, ireo fitaovana, toy ny basy poleta vita gasy iray miaraka amin'ny bala miisa 09 miampy “chargeurs” 02, ary “barre à pince” sy antsy lava fampiasan'izy ireo. Ny roa amin'ireo jiolahy ireo moa dia fantatra fa mpamatsy bala mihitsy. Velom-bolo ireo vahoaka ao an-toerana eo anatrehan’ny vokatra tahaka izao, fa manomboka milamina tanteraka ny tanàna.

\Toky R