TAMBAJOTRAN-JIOLAHY

11 mianadahy tratra teto Antananarivo

Fandriampahalemana
Alarobia 12 Febroary 2025

Ravan’ny Polisim-pirenena ny andian-jiolahy nandravarava teto an-drenivohitra sy ny

manodidina nandritra ny volana Janoary lasa teo. Lehilahy miisa 9 sy vehivavy miisa 2 izy ireo, nandray anjara tamin’ireo fanafihana mitam-piadiana niseho teny Alasora, Analakely, Ampasamadinika sy tamin’ny toerana hafa teto an-drenivohitra. Tratra nandritra ny fisamborana azy ireo ny moto miisa 4 miaraka amin’ny aro loha sy fanamiana fanaovan’izy ireo rehefa manao ny asa fanafihana niampy lela-vola manodidina ny 3 tapitrisa Ar, basy vita gasy iray niaraka tamin’ny bala, ary ody gasy. Fantatra ihany koa fa misy mpitondra taxi moto miray tsikombakomba amin'ireto andian-jiolahy ireto. Mbola misy naman'izy ireo hafa karohina noho izany.
Pati
Legende : Ireto izy 11 mianadahy !