Talatakely, Ambatolampy

Tovolahy 4 tratra nangalatra entan’ny skoto

Fandriampahalemana
Alakamisy 04 Jolay 2024

Tratra nangalatra entan’ny skoto milasy tany Talatakely, fokontany Fihaonana,

Ambatolampy ny tovolahy miisa 4, hoy ny fampitam-baovao voaray omaly. Ny alin'ny 1 jolay dia tsikaritra fa nisy nandrovitra tamin'ny «lame» ny "tente" na trano hoditra fatoriana miisa 4 ka betsaka ireo zavatra very, hoy ny fanazavana. Ny maraina ihany dia sarona avokoa ireo tovolahy nanao ny halatra ireo, izay avy eo Talatakely ihany. Mbola tratra teny amin'izy ireo avokoa ireo entana nangalariny toy ny finday «Redmi Note 8 Pro», «sac à dos» na kitapo babena, fanamiana skoto, kiraro, lamba firakotra, «tente», kara-panondro, vary sy laoka, vola 3 alina sy 3 hetsy Ariary izay tsy hita intsony no niafarany, ny «portefeuilles» na poketra fampirimam-bola sy ny maro samihafa. Tazonina atao famotorana izy ireo ary atolotra ny fitsarana, raha ny fampitam-baovao voaray hatrany.
J. Mirija