Talata Volonondry

Lehilahy iray tratra niaraka tamin’ny omby iray manontolo efa voatetika

Fandriampahalemana
Alatsinainy 25 Novambra 2024

Lasa lalan’ireo mpangalatr’omby ny ao Talata Volonondry, distrikan’Avaradrano amin’izao.

Nanamafy ny fisafoana araka izany ny borigadin’ny zandarimariam-pirenena any an-toerana ka lehilahy iray ny 22 novambra 2024 teo no tratra niaraka tamin’ny omby efa voatetika iray manontolo tokony ho tamin’ny 02 ora maraina. Tao amin’ny kaominina Ambohibao, distrikan’i Manjakandriana no nahatrarana azy io. Fantatra nandritra ny famotorana natao fa omby vavy reniny nangalarina avy any Amboavahy, Fokontany Analamanjaka, Kaominina Ambohitrolomahitsy ity efa novonoina ity. Tsy nety nilaza ny namany niara-nanao ny halatra omby taminy hatramin'ny farany kosa ilay ranamana fa nilaza ho iraka fotsiny ka naleony nigadra eny Antanimora. Ny hany nambarany dia ny saika hanaterany ny hena teny Andravoahangy.
Pati