SOAMANANDRARINY

Voasambotra i Rast sy ny anabaviny

Fandriampahalemana
Alatsinainy 24 Febroary 2025

Efa ny ela fa voasambotra i Rast ny anabaviny mpiray tsikombakomba amin’ny ratsy.

Itsy voalohany no manao ny asa ratsy raha ilay anabaviny kosa no mpampiantrano azy sy mpivarotra ny entana halatra. Jiolahy efa ela nikarohana azy noho ny afera vaky trano misesisesy sy tao amin'ny Fokontany Ambohimahitsy kaominina ambanivohitr’ Ambohimangakely, distrikan’ Avaradrano zoky "rasta" .Voasambotry ny zandary avy amin'ny 21 Febroary teo izy ary nilaza ireo heloka rehetra efa vitany. Nosamborina ihany koa ilay anabaviny izay tratra tany Bemasoandro Fokontany Manantenasoa, kaominina ambanivohitr’ Ambohimangakely. Vilany lehibe iray, speaker iray izay samy halatra avokoa no tratra niaraka taminy. Toraka izany koa ny lakile marobe, karatra banky fakàna vola an'olona maromaro sy karine caisse d'épargne izay tany amin'ireo trano efa novakiany. Hatolotra ny fitsarana amin’ity herinandro ity izy mianadahy ireto.
Pati
Legende : Nampiarahina tamin’izy mianadahy tahaka izao ilay vilanibe nangalariny !