Fandriampahalemana

Sinto-mahery- Parking 67 ha Voasintona hatramin’ny vangovangon’olona anaty taxibe

Fandriampahalemana
Zoma 12 Martsa 2021

Lehilahy iray 18 taona no tratra nisintona tampoka vangovangon’olona tao anaty taxibe nandalo teny

amin’iny faritra 67 ha iny ny 09 martsa lasa teo. Tokony ho tamin’ny 11 ora atoandro no nitrangan’izany ka lehilahy iray nipetraka teo amin’ny varavarakely no lasibatra. Raha vao azon’ilay tovolahy mpanendaka izany dia nitsaoka avy hatrany izy. Niantso vonjy anefa ilay niharam-boina ka raikitra ny fifanenjehana ka tamin’izay fotoana izay no nifanehitra tamin’ny Polisy avy nanao fisafoana teny amin’ny cité 67 ha ilay mpanendaka. Mbola tratra teny aminy ilay firavaka norobainy ary efa naverina amin’ny tompony. Fantatra ihany koa fa efa mpameri-keloka ity tovolahy 18 taona voasambotra ity ary efa voatazona teny Anjanamasina noho ny resaka harom-paosy hatrany. Natolotra ny fampanoavana omaly ny tovolahy ka naiditra am-ponja vonjimaika.

Pati