Fandriampahalemana

SEG Betongolo Manamboninahitra 22 nasondrotra grady

Fandriampahalemana
Alatsinainy 29 Jona 2020

Tontosa ny sabotsy 27 jona teo ny fametahana ny galona ho an'ireo manam-boninahitra miisa 22 nisondrotra laharam-boninahitra tamin'ity taona 2020 ity, miasa ao amin'ny Foibe fibaikoana ny zandarimaria sy eo anivon'ny Sekreteram-panjakana miadidy ny zandarimaria eto Antananarivo.

Tonga nanatrika sy nanome voninahitra ny lanonana ny Jeneraly Sekreteram-panjakana miadidy ny zandarimaria sy ny Jeneraly komandin'ny zandarimariam-pirenena ary ireo tompon'andraikitra ambony eo anivon'ny zandarimaria. Nifandimby nandray fitenenana, nitso-drano sy niarahaba ireo nisondrotra galona izy ireo. Ny Sekreteram-panjakana miadidy ny zandarimaria namaritra tsara fa vokatry ny ezaka izay hataon'ny tsirairay eo amin'ny fanantanterahana ny asa hiandreketany izay tsarain'ny lehibe isan'ambaratongany avy, no hahafahana misondrotra laharam-boninahitra. Olona mendrika tokoa noho izany no hasondrotra galona, mitaky fandraisana andraikitra ary fomba amam-panao vaovao ho an'ny nahazo galona izany. Nanafatrafatra Atoa Minisitra mahakasika manokana ny fitandremana mba hisorohana ny fiparitahan'ny valan'aretina Covid-19 amin'ny alalan’ireo "gestes barrières" satria mitombo hatrany ny isan'ny voa ankehitriny.

Pati