Fandriampahalemana

Sambava Tratra ny vola sandoka sy basy vita gasy maro be

Fandriampahalemana
Alatsinainy 06 Jolay 2020

Andian-jiolahy mpanao vola sandoka sady mpanefy basy poleta vita gasy tany amin'ny faritra Sava no tratra.

Saron'ireo zandary avy ao amin'ny tobim-paritry ny zandarimariam-pirenena ao Sambava ireo olona miisa 6, jiolahy sy jiovavy izay nokarohina fatratra fa mpanao vola sandoka sy mpanamboatra fitaovam-piadiana entina manao asan-jiolahy, ny sabotsy teo. Nosavaina ny tranon'izy ireo tao Ambatofitaratra sy Besopaka Ambany ary Analapenja samy any Sambava, ka tra-tehaka tamin'izany ireo porofo mivaingana rehetra toy ny lela-vola sandoka Ar 20.000 miisa 157 izay mitontaly Ar 3.140.000. Toraka izany koa ny basy poleta vita tefy gasy miisa 09, lasitra basy miisa 02; bala miisa 02 karazan'akora sy fitaovana fanamboarana basy maro niampy taratasy hosoka isan-karazany. Niaiky ny heloka vitany izy ireo.

Nangonin’i Pati