Saika hanafika mpanao

"versement" Jiolahy 3 rotiky ny balan'ny

Fandriampahalemana
Zoma 24 Aprily 2026

SAG teny Andohatapenaka

Nahazo vaovao marim-pototra momba ny fikasàn’andian-jiolahy nikasa hanao fanafihana mitam-piadiana teny Andohatapenaka ny Polisin’ny Service Anti-Gang (SAG). Mpandraharaha iray izay handeha hametraka vola eny amin’ny banky ny marainan’ny omaly 23 Aprily 2026 no nokendrena. Nirotsaka an-tsehatra nanao velam-pandrika sy nanakana izany ny Polisy, sady nikendry ny hisambotra ireo mpanao ratsy. Tamin’ny 06 ora maraina, voamarina fa niseho ireo jiolahy nitondra moto sy fiara Peugeot 309 fotsy. Narahan’ny Polisy izy ireo mandra-pahatongany teo amin’ny Lavage CDA Andohatapenaka, toerana heverina fa nanaovany fivoriana farany mialohan’ny hanaovana ny fanafihana. Rehefa nanantona hisambotra azy ireo ny Polisy dia namoaka basy ireo jiolahy. Nisy fifandonana nitranga ka jiolahy telo no maty voatifitra. Ilay nitondra fiara sy moto kosa dia vaky nandositra ary mbola karohina amin’izao fotoana izao. Nandritra ny fisavana, basy poleta efa voafahana misy bala dimy, sabatra iray, antsy maranitra iray ary “Big Boss” roa no hita. Fantatra ihany koa fa efa nigadra teny Tsiafahy ny roalahy tamin’ireo lavo.
Toky R