Fandriampahalemana

Sahamadio 67 ha Lehilahy iray tratra nanendaka vehivavy 3

Fandriampahalemana
Alatsinainy 30 Martsa 2020

Lehilahy iray 31taona no voasambotry ny Polisy miasa ao amin'ny CSP 7 67ha ny 26 martsa 2020 lasa teo teny Sahamadio 67ha noho ny resaka fanendahana.

Ny 26 martsa 2020 maraina tokony ho tamin'ny 6ora sy 30mn teny an-toerana dia vehivavy miisa telo .handeha hamonjy asa eny Andraharo no narahina andian-jiolahy miisa 3 ka rehefa sendran'ny toerana tsy be olona ireto olon-dratsy dia nosintonin' 'ilay lehilahy ny poketran'ny iray tamin'ireo tovovavy ka lasa tamin izany ny vola 43.000Ar, finday android mitentina 70.000Ar. Niantso Polisy avy hatrany ilay niharam-boina, ary nanome tanana ihany koa ireo vaomieran'ny fandriampahalemana ka taorian'ny fikarohana nataon'ireto farany dia lehilahy iray no tra-tehaka teo Sahamadio tsy lavitry ny toerana nanaovan'izy ireo ny asa ratsy raha tafatsoaka nihazo ny elakelan-trano kosa ireo namany roa hafa.Mitohy hatrany ny fikarohana ataon'ny Polisy ireo namany.

Pati