RANGAHY LEHIBE NOVONOINA TAO BRICKAVILLE

Resaka fankahalana tsotra izao

Fandriampahalemana
Zoma 23 Mey 2025

Tena efa misy mivadika biby ny olombelona. Resaka fankahalana tsotra izao raha

araka ny fantatra no antony namonoan’ny olona iray ilay Rangahy lehibe tany Manaratsandry, kaominin'Andovoranto, distrikan'i Brickaville, ny Talata 20 May lasa teo.Nofirainy tamin'ny antsibe ilay Rangahy lehibe io raha niasa tany an-tsaha ka tataka tanteraka ny lohany taoriana. Maty vokatr’izany ilay Ray aman-dReny raha lasa nitsoaka kosa ilay mpamono izay soa ihany fa nisy vavolombelona nahita. Tany Tanandava, moa ilay mpamono vao tratra rehefa nifanome tanana ny fokonolona sy ny zandary. Rehefa nanontaniana izy dia nilaza fa tsy nisy disadisa na antony goavana nanaperany ny ain'io raiamandreny io saingy tsy tiany tsotra izao kosa.
Pati
Legende : Mahafaty olona tahaka izao ny fankahalana rehefa diso tafahoatra !