RAIKELY NAHAVANON-DOZA

Tsy namelany raha tsy simbany ireo zana-badiny 2

Fandriampahalemana
Talata 18 Novambra 2025

Lehilahy lehibe ray 50 taona no fantatra

fa nanolana zazavavy kely vao 9 taona sy 13 taona izay tsy iza fa zana-badiny ihany tany Firavahana. Marary eo am-pandriana ramatoa vadiny, antony nahafahany nanararaotra ireo zaza ireo. Ny 14 Novambra lasa teo tamin'ny 4 ora folakandro no nisehoan'ny tantara raha tsiahivina. Nanaovany ny filan-dratsiny tany am-patsakana rano ilay 9 taona.Ny alin'iny dia mbola niverenany indray niaraka tamin' ilay zokiny tao an'efitra fatorian'ireo zaza.Nitaraina tamin-dreniny ireo zaza ny 15 Novambra ka niditra an-tsehatra ny zandarimaria rehefa naheno ny zavamisy ka nisambotra ity raim-pianakaviana ity. Tazomina mba hatao famotorana ary ho atolotra ny fitsarana ny anaolahy. Ireo zaza kosa dia natolotra ny toeram-pitsaboana mba ho arahi-maso akaiky ny fahasalamany.
Pati
Légende : Ity ilay lehilahy lehibe tsy mataho-tody !