Fandriampahalemana

Pompiste” nitondra volabe nitsoaka Mbola ifampitadiavana ao Sambava

Fandriampahalemana
Alarobia 01 Martsa 2023

Tovolahy pompista iray afak’omaly no nitondra vola mitentina 3 ka hatramin’ny 6 tapitrisa nitsoaka tany Vavasaha Sambava.

Mpiasan’ny tobim-pivarotan-tsolika Shell izy io ary anisan’ny mpiasa tena natokisana indrindra raha araka ny vaovao azo. Vola matin’izy ireo nandritra ny tontolo andro io lelavola io hoy hatrany ny vaovao ka nahatsiaro ho tohana mafy ny tompon’ity toeram-pivarotan-tsolika ity. Na izany aza efa eo am-pelatanan'ny mpitandro filaminana ny raharaha. Nanamafy moa ny tompon’ity tobim-pivarotan-tsolika ity fa raha tsy mitolo-batana ity tovolahy pompiste ity dia ho avy amin’ny angady sy ny harona izy ireo ary tsy handefitra mihitsy na dia banga iray aza ny mpiasa.
Nangonin’i Pati
Legende : Ity ilay ranamana pompista nitondra vola nitsoaka !