Fandriampahalemana

Polisy any amin’ny Faritra Atsinanana Nafaran’ny Minisitra mba hiasa tsara

Fandriampahalemana
Talata 08 Septambra 2020

Nitsidika ny faritra Atsinanana ny Ministry ny Filaminam-bahoaka ny controleur general Rafanomezantsoa Rodellys ny faran’ny herinandro. Nisy ny fihaonany mivantana tamin’ireo tompon’andraikitra tany an-toerana ka nandinihina zavatra maro loha.

Anisan’ireny ny fandrindrana ny ady amin’ny tsy fandriampahalemana , ny fiandrasana vokatra misy fiantraikany mivantana amin’ny vahoaka, ny fanovana toe-tsaina amin’ny fomba fiasa, ny fifandraisana mba hahatsara endrika ny polisim-pirenena ary fanamafisana ny fijerena ny maha-olona. Nanolotra fitaovana ho an’ireo polisy ihany koa ny Minisitra nandritra izany toy ny casques lourdes, boucliers, menottes, masque à gaz, gilet pare- balles, tonfa, cache bouches ary brassard orange. Taorian’izay dia nisy ny fifanakalozan-kevitra niarahana tamin’ireo polisy miasa any amin’iny faritra iny mba hahafahana mamantatra ireo olana sedrain’izy ireo amin’ny fanantanterahana ny asany. Nanafatra ireo lehiben’ny sampan-draharaha isan-tsokajiny izy mba hankahery sy handrisika hatrany ireo polisy mba hanome ny tsara indrindra ho fanatsarana ny asa. Raha toraka izay ihany koa ny fikolokoloana ireo fitaovana natolony.

Pati