Fandriampahalemana

Opération Harato Misy zavatra tsy mazava

Fandriampahalemana
Alatsinainy 13 Martsa 2023

Jiolahy miisa 4 no maty voatifitry ny mpitandro filaminana ny alin'ny sabotsy 4 martsa tao Morarano Chrôme, raha tsiahivina ny fampitam-baovao voaray.

2 hafa tao Andranobe Amparafaravola taorian'ny fifanenjehana tamin'ireo jiolahy sy ny mpitandro filaminana, izay tafiditra ao anatin'ilay hetsika "Opération Harato". Tsy mazava amin’ny mpanara-baovao ankehitriny ny mikasika ity hetsika ity. Olona efa voasambotra antsoina hoe Rasolonjatovo Jean Charles na Jady, niaraka tamin’ny rafozany tao Ambohitrarivo, hoy ny fanazavana voaray, no mampametra-panontaniana. Tsy mpanao ratsy ilay rafozany fa nampiantrano io vinantony io fotsiny nefa tonga dia notifirin’ireo mpitandro filaminana satria nanafina mpanao ratsy. Ankehitriny dia mahagaga fa toa anaovana filazana fikarohana indray ilay olona efa voasambotra izay tena efa teo am-pelantanan’ny mpitandro filaminana mihitsy. Mody navotsotra ve fa nandoa volabe, sanatria, ka alefa mitsoaka dia mody karohina amin’izay rehefa avy eo ity olona efa avy voasambotra ity, hoy hatrany ny fanontaniana?
J. Mirija