OLONA 3 NANGALATRA MOTO

Tratra tamin’ny andro atoandro, vehivavy ny iray

Fandriampahalemana
Alakamisy 19 Desambra 2024

Efa tsy menatra intsony ireo mpangalatra eto amintsika amin’izao.

Olona miisa 3 nangalatra moto marika Yamaha Cruz no fantatra fa saron’ny polisy tany Ambodisatrana, akaikin’ny tsena Manaingazipo ny amin’ny distrikan’i Sambava afak’omaly Talata 17 Desambra tokony ho tamin’ny 08 ora sy 15 minitra maraina. Nahatazana ireo Polisy nanao fisafoana ireto mpangalatra ireto ka niezaka nandositra, saingy voasambotra ihany rehefa nifanenjehana. Vehivavy rahateo ny iray izay fantatra fa anisan’ireo tena ati-doha. Hatolotra ny fitsarana anio Alakamisy 19 Desambra izy ireo rehefa vita soa aman-tsara ny fanadihadiana. Tsiahivina moa fa mirongatra ny tsy fandriampahalemana amin’izao ankatoky ny fety izao. Ankoatra ny hala-botry dia mahazo vahana ny asa fanendahana sy ny fangalarana moto izay tsy mifidy intsony na any amin’ny faritra na eto an-drenivohitra.
Pati
Legende : Ireto izy 3 mianadahy tratra nangalatra moto