NOSY BE HELL VILLE

Tovolahy mpangalatra akoho, maty matin’ny herinaratra

Fandriampahalemana
Alatsinainy 19 Febroary 2024

Tovolahy iray vao 22 taona monja no maty main’ny herinaratra omaly

Alahady 18 Febroary tokony ho tamin’ny 04 ora maraina rehefa nikasa hangalatra akoho. Raha araka ny vaovao azo dia nikasa hangalatra akohon’olona ity tovolahy ity ka niditra tao an-tokontanin’olona tao Ambonara. Loza anefa no nitranga fa nisy herinaratra ilay tranon’akoho saika horobainy ka nanefa hatramin’ny ainy. Ny olona teo amin’ny manodidina nahita ny zava-nitranga no nampandre ny mpitandro ny filaminana sy ny dokotera ka ireto farany no nanamarina fa tena matin’ny herinaratra marina ilay tovolahy. Efa naterina ao amin’ny tranom-paty ao amin’ny hopitaly Nosy Be hell Ville ihany moa ny razana tamin’io andron’ny omaly io miandry ny fianakaviany mba haka izany.
Pati
Legende : Fitiavana te-hihinana akoho no namoizan’ity tovolahy iray ity ny ainy !