Nokarohina noho

Partagé sur :
• facebook

tsy nampoiziny 2 taona taty aoriana

Nanao fivadiham-pitokisana ary nanolotra taratasim-bola tsy misy anto-bola akory ity ramatoa iray, raha ny fampitam-baovao voaray avy amin'ny borigady misahana an'Antananarivo etsy Itaosy ny sabotsy teo. Efa ny 13 aogositra 2024 no tsy hita ramatoa. Nitory azy ny olona nanaovany fivadiham-pitokisana. Nantsoina izy. in'efatra nandefasana taratasy fiantsoana. Nilaza hoavy hamaly ny antso, ho tonga, saingy tsy tonga. Tsy hita tao amin'ny toeram-ponenany intsony ary nifindra nonina faritra hafa mihitsy angamba. Ny 13 febroary 2026 teo kosa, tsikaritra ao Ambaniala ny anao vavy, manatrika fandevenana ka nisy nampandre ny zandarimarian'ny Borigadin'Itaosy. Vita ny fandevenana, niparitaka ireo mpandevina vao nanatona azy ny zandary. Vao nahatazana zandary anefa izy dia nitady lalana hitsoahana saingy efa feno zandary ny lalana hizorany ka dia nanaiky mora foana no azony natao. Vantany vao azon'ny zandary izy dia nisesisesy ny olona tonga nanamafy ny fitoriany ka efa nanan-draharaham-pitsarana taminy. Tonga ihany koa ny polisim-pirenena misahana ny heloka bevava eny Anosy nitondra ny baikom-pitsarana sy ny filazana fikarohana azy. Tonga ihany koa ny zandary avy amin'ny Toby Ratsimandrava dia ny fitantanana ny raharaha m-pitsarana na "Direction de la Police Judiciaire" nitondra taratasy fikarohana hafa mikasika azy. Rehefa vita ny famotorana nataon'ny zandarimaria dia nanohy ny asany koa ny polisim-pirenena. Aorian'izany dia hatolotra ny fitsarana izy sy ny antontan-tarasy mavesatra sy matevina miampanga azy, raha ny fampitam-baovao voaray farany hatrany.
Nangonin'i J. Mirija
 

Tia Tanindrazana

Samia mijoro ho an'i Gasikara.