NIRAHIN-DRAINY NIVIDY RONGONY

Tovolahy 16 taona naolan’ireo mpivarotra

Fandriampahalemana
Alarobia 23 Jolay 2025

Naolan’ireo mpivarotra ny zanany vavy vao 16 taona Raim-pianakaviana

iray mifoka rongony no kamo nivoaka ny trano andro vitsy lasa izay tany Tanambao Verrerie Toamasina ka naniraka ny zanany vavy vao 16 taona monja nandeha nividy izany. Rehefa azon’ilay tovovavy kely anefa ilay rongony tamin’ny fonosana dia naolan’ilay mpivarotra izy. Nitomany ity farany rehefa tonga tany an-trano nitaraina tamin’ilay Rainy. Nilaza ity farany nandritra izany fa hiresaka amin’ilay mpivaro-drongony ka nifandamindamina tany izy roalahy. Ilay zazavavy kely kosa teo an-daniny nanomboka narary. Nisy fofona nivoaka ny fivaviany saingy tsy noraharahian’ilay Rainy.Niezaka nanafina mafy io tranga io ity farany saingy noho ny fanadihadiana lalina nataon’ireo mpitandro ny filaminana any an-toerana dia nivoaka ny marina rehetra .Ny Talem-paritry ny Filaminam-bahoaka Atsinanana ny Kaomisera Rakotovao Christian rahateo dia tena hentitra sy sarotiny mafy amin'ny ady atao amin'ny fanolanana… mihantra amin’ireo vehivavy sy ankizy any an-toerana. Efa naiditra am-ponja vonjimaika moa ny Rain’ilay zazavavy kely sy ilay Rangahy mpivaro-drongony.
Pati
Legende : Potiky ny hagaigen’izy roalahy ireto ny fiainan’ilay zazavavy tsy manan-tsiny !