NIHANIKA VAVAHADIN’OLONA

Voasaringotry ny vy, noraisim-potsiny ilay tovolahy

Fandriampahalemana
Zoma 29 Desambra 2023

Aza mba manao ratsy ihany amin’ity tany fandalovana ity.

Matetika mantsy dia zavatra tsy hampoizina no mampiseho tampoka ny marina.Tovolahy kely iray manodidina ny 19 na 20 taona eo ho eo no tratra nihanika vavahadin’olona omaly teny Ampasika Itaosy teny. Natahotra mafy anefa izy nandritra izany ka saika hitsoaka kinanjo voasaringotry ny vy ny akanjony ka noraisim-potsiny. Ireo zandary manao fisafoana toy ny mahazatra no nahatratra ilay ranamana ity ka nentina avy hatrany nanaovana fanadihadiana izy. Tsiahivina moa fa tena mirongatra sy mahazo vahana ny tsy fandriampahalemana eny Itaosy eny amin’izao ankatoky ny fetin’ny faran’ny taona izao. Tokony ho mailo hatrany ny rehetra manoloana izany ka tsy foanana olona ao an-tanana raha azo hatao.
Pati
Legende : Ity ilay ranamana kely !