Fandriampahalemana

Niditra an-keriny tao an-tokontanin’olona Tovolahy iray voasambotra tetsy Anosy

Fandriampahalemana
Talata 21 Febroary 2023

Mirongatra ny tsy fandriampahalemana eto amintsika. Tovolahy iray no saron’ny Polisy miasa ao amin'ny CSP5 nihanika tamboho ary niditra an-keriny tao an-tokontanin’olona teny Anosy ny 18 Febroary teo,

tokony ho tamin’ny 02 ora sy 50 minitra. Raha araka ny fantatra anefa dia inspekteran’ny Polisy iray no monina tao amin'ity trano lasibatra ity ka niantso avy hatrany ny Polisy miasa tao amin'ny CSP5 rehefa naheno olona niditra tao tokontaniny. Nandray andraikiny avy hatrany ny Polisy ka tra-tehaka soa amantsara ilay tovolahy. Efa tafavoakany tany ivelany moa ny biskileta iray.
Nangonin’i Pati
Legende : Ity ilay ranamana niditra tao an-tokontanin’olona tamin’ny andro atoandro !