Nampitandrina ny depioten’i Toliara II

« Tsy ekena ny famoahana ireo voarohirohy ho nanapa-doha olona »

Fandriampahalemana
Alakamisy 17 Jolay 2025

Olona roa hatreto no efa voasambotra ary tazonina ao amin’ny

Borigadin’ny zandarimariam-pirenena ao Beheloka, distrikan’i Toliara II raha mbola hifampitadiavana kosa ny iray. Io no vokatry ny fanadihadiana natao taorian’ny nisian’ilay tranga fanapahan-doha izay namonoana olona tamin’ny fomba feno habibiana tao amin’ny Fokontany beheloka, kaominina ambanivohitr’i Beheloka ny herinandro lasa teo. Raha ny fantatra dia mandeha ny feo fa misy olona mitady hamoaka an-tsokosoko izy 2 ireo koa mampitandrina ny solombavambahoaka Rojers Solomamy voafidy tao Toliara II fa ain’olona no nafoy tamin’izany. Miantso ny tompon'andraikitra ao amin’ny zandarmariam-pirenena sy ny Fitsarana koa ny tenany mba hijery akaiky ity raharaha ity. Voalaza fa olona marary saina nihetsika krizy moa ity nisy nanapa-doha ity.
Pati
Legende : Ny depiote Rojers Solomamy, voafidy tany amin’ny distrikan’i Toliara II !