Namono mpampiasa

sy nangalatra fiara 4x4

Fandriampahalemana
Alatsinainy 04 Mey 2026

Voasambotra tany Toamasina ilay lehilahy

Voasambotry ny Polisy avy ao amin’ny Commissariat Central Toamasina teny akaikin'ny Hopitaly Kely, Boulevard de la Liberté ilay lehilahy nitifitra ny mpampiasa azy teny Ambihibao Antehiroka ny alin'ny 02 May lasa teo. Fiaraha-miasa tamin'ny olon-tsotra tsara sitrapo no nahazoana ny vokatra. Efa namoahan'ny Zandary tao Talatamaty filazàna fampikarohana moa izy noho ny vono olona sy halatra ary izao voasambotra soa aman-tsara izao. Rehefa nofotorana izy dia nilaza ny toerana nanafenany ilay basin'ny mpampiasa azy nanaovany ilay heloka bevava ka hita ihany koa io fitaovam-piadiana io. Nafenina tao anaty trano kely teny Ambalakisoa, akaikin’ny pont Verrerie izany. Rehefa mitoetra ny fifampatokisana eo amin'ny vahoaka sy ny Polisim-pirenena dia mihena ny trangana tsy fandriam-pahalemana ary betsaka ny olon-dratsy tratra. Amporisihina hatrany ny fitorohana mba hampahomby ny fametrahana filaminana maharitra hoy izy ireo.
Pati
Légende : Tratra ihany ilay ranamana ity rehefa avy namono olona sy nangala-bola !