Fandriampahalemana

Nambara fa nangalatra mangahazo Hita faty tany anaty bozaka ilay tovolahy

Fandriampahalemana
Alakamisy 13 Oktobra 2022

Resaka halatra mangahazo no namonoan’ny sasany olona tany Ambodinonoka Fokontany Anjanavorona Kaominina Mahatsara Sud, distrikan'i Farafangana.

Hita ny Alatsinainy maraina teo tao anaty bozaka tany amin’ity toerana voalaza etsy ambony ity ny vatana mangatsiakana tovolahy iray izay fantatra fa nangalatra mangahazon’olona ary efa simba tanteraka. Nisy ny fiantsoana nataon’ny sefom-pokontany ka tonga nijery ny razana ny mpitandro ny filaminana sy ny zandary any an-toerana. Fantatra nandritra ny fizahana natao fa novonoina ity tovolahy ity. Ny famotorana nataon'ny Borigadin'ny zandarimariam-pirenena ihany koa nahafantarana fa nangalatra mangahazo ny tovolahy ka ilay tompon'ny mangahazo ihany no namono azy. Mianaka izy ireo no indray nanao izay famonoana olona izany ary samy niaiky ny heloka vitany. Nanazava moa ireto farany fa tapitr'io tovolahy io avokoa ny mangahazon'izy ireo izay tsy nihinanany na iray fototra aza. Nentina teo anivon'ny Zandarimaria Mananjary moa ny raharaha, ka efa nilamina.
Nangonin’i Pati