Fandriampahalemana

Mponin’Ambanidia Tonga hatreny Ankadindratombo mivarotra rongony

Fandriampahalemana
Alatsinainy 12 Septambra 2022

Lehilahy iray 24 taona voalaza fa monina eny Ambanidia eny no saron’ny kaomisarian’Alasara nivaro-drongony teny akaikin’ny abatoara Ankadindratombo ny faran’ny herinandro teo.

Raha araka ny fantatra dia efa tsikaritr’ireo mpitandro ny filaminana misahana iny faritra iny ny fisian’olona izay voalaza fa mamatsy rongony iny toerana iny. Nandray andraikitra avy hatrany izy ireo tamin’ny fanaraha-maso ka ilay ranamana ity no tratra. Mbola sarona teny aminy avokoa ireo fonosan-drongony miisa 15 nataony tao anaty sakaosy kely izay nokasainy hamidy. Niaiky ity tovolahy ity fa tena mpamatsy rongony tokoa ary io no tena asa fivelomany. Hatolotra ny fampanoavana anio alatsinainy ny anaolahy.
Pati
Legende : Ity ilay tovolahy