Mpivarotra sy Mpangalatra

Zaza Varira

Fandriampahalemana
Zoma 11 Septambra 2026

Tambazotra iray ravan'ny Zandary, olona 5 voasambotra

Ravan'ny Zandary avy ao anivon'ny Vondrotobim-paritra Ambatondrazaka ny tambazotra iray Mpivarotra sy Mpangalatra Zaza Varira. Voasambotra tao amin'ny Kaominina Ambanivohitra Antanandava ny Alahady 6 Septambra 2026 teo ny olona miisa dimy rehefa nikasa nitondra zaza vavy kely, 4 taona, manana toe-tena Varira. Zaza nisy naka an-keriny tao Ambalabe Fokontany Mahasoa Kaominina Ambodimangavalo Distrikan'i Vavatenina ny 31 Aogositra 2026 io zaza Varira io. Olona telo no nitondra ny zaza avy any Vavatenina, ny roa niray tsikombakomba nampiantrano azy ireo. Voasambotry ny Zandary tao Sahatavy ireto farany. Efa tonga tao Ambatondrazaka naka ilay Zaza ny reniny avy any Vavatenina. Ny Zandary ao amin'ny Vondrotobim-paritra Fenoarivo Atsinanana no misahana ny famotorana ity raharaha ity.
Nangonin'i Jean D.