MPIVARO-DRONGONY ENY

TALATAMATY Mahalafo 30.000 Ar isan’andro

Fandriampahalemana
Zoma 22 Martsa 2024

Tovolahy iray 22 taona no tra - tehaky ny Polisin'ny STUP nivarotra rongony teny Talamaty 20 Martsa teo.

Mitohy hatrany ny ady ataon'ny Polisim-pirenena amin'ny famongorana ny fiparitahan'ny zava-mahadomelina tahaka izao. Tratra ambodiomby mihitsy ity tovolahy ity rehefa naharay vaovao mahakasika izany ny tompon’andraikitra. Rehefa nosavaina ny trano fonenany dia nahatratrarana rongony miisa 40 fonosana izay hamidiny 1.000Ar sy 2.000Ar ny fonosana iray. Ankoatra izay mbola nahitana rongony natao tao anaty "sachet" miisa 25 tao aminy ka hamidiny 6000Ar ny iray. Noentina avy hatrany teny amin'ny Biraon'ny Polisy ity farany nanaovana fanadihadiana ka tamin'izany no nahafantarana fa mahalafo rongony 30. 000Ar isan'andro ity tovolahy ity. Efa naiditra am-ponja vonjimaika omaly moa ny anaolahy rehefa avy nohenoina teo anivon’ny fampanoavana.
Pati
Legende : Efa maka aina any am-pigadrana ity tovolahy tratra nivaro-drongony ity !