Fandriampahalemana

Mpitandro filaminana-BFM Feno 40 taona ny fiaraha-miasa

Fandriampahalemana
Alarobia 05 Desambra 2018

Miisa 15 ny masoivohon`ny banky foiben’i Madagasikara (BFM) manerana ny nosy mba hiarovana ny vola mivezivezy sy ny fitahirizana azy dia manan-danja ny fisian`ny mpitandro filaminana amin`ireny toerana ireny hoy ny governoran`ny banky foibe,

Alain Rasolofondraibe, nandritra ny lahateniny tamin`ny fankalazana ny fankalazana ny 40 taona ny fiaraha-miasa teo amin`ny fiarovana ny foibe toerana misy banky foibe sy ny fitanteram-bola manerana ny nosy. Voalaza ao amin`ny satan`ny banky foibe ao amin`ny lalàna faha 2016-004 ny 19 jolay 2016 sy ny lalàna faha 016-057 ny 02 febroary 2017 ao amin`ny and. faha 84 fa hiantohan`ny fanjakana ny fisorohana ny loza sy ny fiaroavan`ny tranon`ireo banky foibe ary omena azy maimaim-poana ny mpiambina ilaina amin`ny fitondrana ny vola sy ny fananany. Marihana fa ahitana ny zandary, ny polisim-pirenena ary ny tafika Malagasy ny mpitandro filaminana. Tontosa omaly teo anivon`ny banky foibe Antaninarenina ny fifanaovan-tsonia mpiara-miasa teo anivon`ny mpitandro filaminana sy ny banky foibe hanamafisana orina ny fiaraha-miasa efa hatramin`izay.

Marigny A.