MPILOKA AN-DALAMBE ENY

ANALAKELY Nosamborin'ny

Fandriampahalemana
Zoma 24 Aprily 2026

Polisim-pirenena izy enin-dahy

Olona maromaro no voasambotra teny Analakely sy ny manodidina noho ny tsy fanarahan-dalana sy ny sinto-mahery. Ny Polisimpirenena miasa ao amin’ny Kaomisaria CSP1 Analakely.no nanao hetsika nanomboka ny 22 Aprily lasa teo. Nanao fanamiana sivily ireo Polisy mitily ireo mpanao sinto-mahery sy mpangarom-paosy eny Analakely sy manodidina ka lehilahy miisa 6 no voasambotra. Fantatra fa ny telo tamin’ireo voasambotra dia efa malaza ratsy amin’ny fanaovana sinto-mahery eny amin’ny faritra Analakely sy ny manodidina. Anisan’izany ny roa izay efa mpamerin-keloka. Etsy ankilany, olona telo hafa kosa no tratra niloka an-dalambe ka manakorontana ny manodidina amin’ny tabataba sy mampitangorona olona, fihetsika izay voararan’ny lalàna. Efa nisy fanentanana natao azy telolahy ireto sy ny namany hafa tany aloha ka izao mbola mamerina izao indray. Nentina natao famotorana eny anivon’ny Kaomisaria CSP1 Analakely ireo voasambotra, ary hatolotra ny Fampanoavana aorian’ny famaranana ny fanadihadiana. Manoloana izany dia mampatsiahy hatrany ny Polisimpirenena fa mitohy tsy an-kiato ny ady amin’ny tsy fandriampahalemana sy ny fandikan-dalàna, ho fiarovana ny vahoaka sy ny fananana ary ny fitoniana.
Pati

Légende : Ireo olona voasambotra teny Analakely sy ny manodidina !