Fandriampahalemana

Mpifankatia mpiketrika mangalatra Ilay vehivavy mody mividy,ilay lehilahy manitrika am-paosy

Fandriampahalemana
Alatsinainy 09 Janoary 2023

Samy manao izay fomba hahazoany vola avokoa ny rehetra amin’izao. Tsy ny lehilahy irery intsony no manao izany fa misy vehivavy ihany koa.

Ho an’ny sasany dia mpifankatia mihitsy no indray mirotsaka an-tsehatra manatanteraka izany toy ireto tratra ambodiomby tetsy Mahamasina ireto. Mody miditra ao amin’ny trano fivarotana iray izy roa ka mody mijerijery entana. Mody mividy zavatra ilay vehivavy mandritra izany raha manararaotra maka izay zavatra mipetraka eo amin'ny latabatra fivarotana kosa ilay lehilahy rehefa variana ilay mpivarotra. Nisy nahatsikaritra anefa izany ka nampahafantatra ny Polisy miasa tsy lavitra io toeram-pivarotana io izy ireo. Tsy niandry ela koa ny mpitandro ny filaminana fa avy hatrany dia nisambotra ireto farany, ary rehefa nosavaina dia tratra tao am-paosin'ilay lehilahy ny finday sy ny vola 40 000 Ar nangalariny. Noentina avy hatrany teny amin'ny Kaomisarian’ny Boriboritany fahadimy moa ireto farany nanaovana fanadihadiana.
Pati
Legende : Ireto izy roa mpifankatia miketrika