Mpidoroka Rôrô

Mamaky trano ahitàna 60.000 Ariary isan’andro

Fandriampahalemana
Alatsinainy 30 Martsa 2026

Lehilahy iray no voalaza fa tsy maintsy

mitady 60.000 Ariary isan'andro hitsindronana Rôrô na ilay zava-mahadomelina mahery vaika miparitaka amina elakelan-trano maro toy ny eto Antananarivo, taona vitsivitsy lasa izay. Noho izy miankin-doha tanteraka amin'io zava-mahadomelina io no antony nisamborana azy ka nahatrarana azy teny Alasora, raha ny fampitàm-baovao voaray ny sabotsy teo. Lasa mpamaky trano gaigy lahy ity mpiletra Rôrô ity mba ahitàny an'io vola io. Tra-tehaky ny mpitandro filaminana tamin'ny asa ratsiny, araka izany, no niafaràny ka notanana atao famotorana eny amin'ny biraon'ny polisy, raha ny fampitàm-baovao hatrany mikasika ity mpidoroka Rôrô ity.
Nangonin’i J. Mirija