Mpiambin-tanàna voalaza

ho nigadra fa namono jiolahy

Fandriampahalemana
Talata 20 Janoary 2026

Nanao fihetsiketsehana ho famoahana azy ny mponina

Nanao fihetsiketsehana ny mponin’i Faratsiho omaly, hoy ny fampitàm-baovao voaray. Nitaky ny hamoahan’ny fitsaràna an’i Leba, mpiambin-tanàna tao amin-dry mompera, izay notanana am-ponja vonjimaika any Antsirabe efa ho roatokom-bolana izao ireto mponina ireto. Araka ny fanazavana, nisy mpangalatra niditra tao amin-dry mompera ka tratran’i Leba. Nanohitra ilay olon-dratsy ity mpiambin-tanàna ity. Nisy, araka izany, ny fifandonana ka maty ilay jiolahy. Nametraka fitoriana ny havany ka natao famotorana sy notanana am-ponja vonjimaika ilay mpiambina, raha ny fampitàm-baovao voaray omaly hatrany. Andrasana kosa ny tohin’ny raharaha, araka izany.
Nangonin’i J. Mirija