Fandriampahalemana

Mpangalatra omby tao Andriatany, Iarinarivo Tafaporitsaka ny roa, saiky niharan’ny fitsaram-bahoaka ny roa hafa

Fandriampahalemana
Alatsinainy 04 Aprily 2022

Nofatoran'izy efadahy teo amin'ny tahon-goavy naniry ilay omby nangalariny ary lasa nisotro toaka tsy lavitra teo ry zalahy,

hoy ny fampitam-baovao mikasika ny trangana halatra omby tao Andriantany, kaominina Iarinarivo, ny sabotsy teo. Ny tompon'omby sy ny mpanaradia anefa nanaraka taty aoriana, izay tsy nampozin'izy ireo. Nojerena ny omby teo am-body goavy nandrasana izay olona handroaka io omby io. Voasambotra ny roalahy, ny roa hafa kosa tafaporitsaka. Omby avy any Ankadimainty, Ambohidratrimo ity nangalaran'izy ireo, ary tao Andriantany, kaominina Iarinarivo no nahatratrarana azy. Tonga ara-potoana ny zandary naka ireo olon-dratsy izay saika niharan'ny fitsaram-bahoaka, hoy hatrany ny fampitam-baovao.
J. Mirija