Mpangalatra moto teny Tanjombato

Natosiny teny Ankadinandriana niaraka tamin’ny rongony

Fandriampahalemana
Talata 26 Septambra 2023

Lehilahy iray 27 taona no tratran'ny Polisy miasa ao Tanjombato nangalatra moto teny Ankadinandriana ny Sabotsy

teo tokony ho tamin'ny 10 ora alina. Moto na mpitandro ny filaminana iray mipetraka eny Ankaraobato ihany no nangalariny izay nampandre ny Polisy avy hatrany ihany koa taorian’ny zava-nitranga. Tonga teny an-toerana moa ireto farany nijery ny zava-misy ka rehefa natao ny fanarahan-dia dia tratra teny Ankadinandriana natosik'ity olon-dratsy ity io moto io. Rehefa natao ny fisavana azy dia mbola nahatratrarana fonosan- drongony iray ihany koa teny aminy. Efa naiditra am-ponja vonjimaika omaly moa ny anaolahy taorian’ny fanadihadiana natao azy.
Pati
Legende : Sady mpangalatra ilay bandy ity no mpifoka rongony !